Helgi Fróði spilaði allan leikinn í tapi Helmond
Elías Rafn Ólafsson og liðsfélagar hans í danska meistaraliðinu Midtjylland eru úr leik í danska bikarnum eftir 1-0 tap gegn Bröndby í kvöld.
Landsliðsmarkvörðurinn var hvíldur á bekknum í leiknum gegn Bröndby og fékk Jonas Lössl tækifærið til að spreyta sig.
Elías hefur verið einn af mikilvægustu mönnum Midtjylland á tímabilinu en það er ljóst að liðið á ekki lengur möguleika á að vinna bikarinn.
Mileta Rajovic kom Bröndby í forystu á 18. mínútu og reyndist það eina mark leiksins.
Helgi Fróði Ingason er þá úr leik í hollenska bikarnum eftir að Helmond Sport tapaði fyrir Telstar, 3-0, á útivelli.
Stjörnumaðurinn spilaði allan leikinn í liði Helmond sem getur nú sett alla einbeitingu á hollensku B-deildinni, en liðið er í toppsætinu með 27 stig eftir tólf umferðir.
Athugasemdir
