Thuram, sem er 25 ára gamall, verður samningslaus eftir tímabilið og stendur ekki til að framlengja við félagið.

Hann er með 14 mörk og 3 stoðsendingar í 17 leikjum á þessu tímabili en Chelsea og Manchester United eru bæði áhugasöm um franska framherjann.

Gladbach er reiðubúið að selja hann í janúar fyrir litlar 12 milljónir evra í stað þess að missa hann frítt í sumar.

Thuram kom af bekknum í fjórum leikjum Frakklands á HM og lagði upp tvö mörk, þar af eitt í úrslitaleiknum gegn Argentínu.