Bláklædda liðið úr Bítlaborginni er að láta kjöldraga sig á heimavelli en þeir Kaoru Mitoma, Evan Ferguson, Solly March og Pascal Gross eru allir komnir á blað fyrir Brighton.

Everton átti ágætis leik gegn Englandsmeisturum Manchester City síðustu helgi, eftir að hafa átt frekar slaka byrjun á tímabilinu. Flestir töldu að það væri meira í vændum frá þeim bláklæddu og að kannski væri Lampard að takast að byggja ofan á eitthvað, en svo virðist ekki.

Útlitið er alls ekki gott þegar hálftími er eftir og er nokkuð víst að starf Lampard hangir á bláþræði. Hann er að öllum líkindum að stýra Everton í síðasta sinn í kvöld.