Á morgun spilar kvennalandslið Íslands einn sinn mikilvægasta leik í sögunni er leikið verður gegn Portúgal á útivelli.
Þetta er hreinn úrslitaleikur þar sem sigurliðið kemur til með að vinna sér sæti á HM sem fram fer á næsta ári - eða þá inn í annað umspil sem fram fer í Nýja-Sjálandi í febrúar á næsta ári.
Þetta er hreinn úrslitaleikur þar sem sigurliðið kemur til með að vinna sér sæti á HM sem fram fer á næsta ári - eða þá inn í annað umspil sem fram fer í Nýja-Sjálandi í febrúar á næsta ári.
Hin franska Stephanie Frappart mun dæma leikinn en hún er talin besti kvendómari heims og mun starfa á HM karlalandsliða sem hefst í Katar í næsta mánuði.
Hún varð 2020 fyrsta konan til að dæma leik í Meistaradeild karla en árið á undan varð hún fyrsta konan til að dæma leik í efstu deild franska boltans og stórleik í Evrópuboltanum. Hún dæmdi franska bikarúrslitaleikinn í karlaflokki á síðasta tímabili.
Dómarinn og aðstoðardómararnir eru franskir en fjórði dómarinn frá Skotlandi.
Notast verður við VAR í leiknum á morgun og verða það franskir karlkyns dómarar sem sjá um VAR dómgæsluna, Francois Letexier og Pierre Gaillouste.
Athugasemdir
