Sporting borgaði metfé fyrir Gyökeres í fyrrasumar, eða 20 milljónir evra, og varð hann markakóngur á sínu fyrsta tímabili í portúgölsku deildinni.
Sænski framherjinn Viktor Gyökeres gerði magnaða hluti á sínu fyrsta tímabili með Sporting CP í portúgalska boltanum á síðustu leiktíð og hefur farið gríðarlega vel af stað á nýju tímabili.
Hann er búinn að skora 12 mörk í 11 leikjum fyrir félagið og gefa þrjár stoðsendingar, en liðið er með fullt hús stiga eftir átta umferðir í deild og fjögur stig eftir tvær umferðir í Meistaradeildinni.
Gyökeres hefur einnig verið í verulega miklu stuði með sænska landsliðinu í haust, þar sem hann er kominn með fjögur mörk og þrjár stoðsendingar í fjórum leikjum í Þjóðadeildinni.
Gyökeres er 26 ára gamall og með tæp fjögur ár eftir af samningi sínum við Sporting. Hann raðaði inn mörkum með Coventry í Championship deildinni áður en hann var keyptur til Portúgal.
Liverpool og Arsenal eru sögð vera áhugasöm um Gyökeres, en hann er með 100 milljón evra söluákvæði.
Athugasemdir
