Gomes er mjög eftirsóttur þar sem samnningur hans við franska félagið Lille rennur út eftir tímabilið.

Það er mikill áhugi á honum úr ensku úrvalsdeildinni samkvæmt vefmiðlinum GiveMeSport en félögin sem eru nefnd eru Aston Villa, Manchester United, Newcastle og Tottenham.

Gomes, sem er lunkinn sóknarsinnaður miðjumaður, var áður á mála hjá Man Utd áður en hann fór til Frakklands. Þar hefur hann sprungið út.

Það er líka áhugi á honum frá Þýskalandi og Ítalíu og verður spennandi að sjá hvað gerist.