Lestu um leikinn: Ísland 2 -  2 Wales

Eftir að Neco Williams kom í veg fyrir mark frá Andra Lucasi Guðjohnsen hélt Jón Dagur á botlanum og labbaði af stað með hann. Johnson var ekki hrifinn af því og sló boltann úr höndum Jóns Dags og íslenski vængmaðurinn greip þá í Johnson. Sá velski ýtti þá í Jón Dag sem féll til jarðar.

Johnson er funheitur þessa dagana, hefur skorað í sjö leikjum í röð í öllum keppnum og er algjör lykilmaður í liði Wales. Hann fór af velli í hálfleik á föstudaginn í stöðunni 0-2 fyrir Wales og seinni hálfleikurinn var eign íslenska liðsins.

„Hann var á réttum stað á réttum tíma í markinu sínu. Hins vegar, þá fékk hann frekar kjánalegt spjald sem verður til þess að hann má ekki spila á mánudaginn gegn Svartfjallandi. Tekinn af velli," segir í umfjöllun WalesOnline um leikinn.