Argentína vann 6-0 en Messi skoraði fyrsta mark leiksins og lagði næstu tvö upp fyrir Lautaro Martínez og Julián Alvarez. Staðan var 3-0 í leikhlé.

Thiago Almada skoraði fjórða mark Argentínumanna í síðari hálfleik, áður en Messi skoraði tvö á þriggja mínútna kafla til að fullkomna þrennuna sína.

Argentína trónir á toppi undandeildarinnar fyrir HM 2026, með 22 stig eftir 10 umferðir, þremur stigum meira en Kólumbía.

Kólumbía er í öðru sæti eftir sigur gegn Síle í kvöld og deila Brasilía og Úrúgvæ þriðja sætinu eftir leiki næturinnar.

Raphinha skoraði fyrstu tvö mörkin úr vítaspyrnum í 4-0 sigri Brasilíu gegn Perú, þar sem Andreas Pereira og Luiz Henrique komu inn af bekknum í síðari hálfleik til að fullkomna sigurinn með sitthvoru markinu.

Brasilía er með 16 stig eftir 10 umferðir, alveg eins og Úrúgvæ sem gerði markalaust jafntefli við Ekvador.

Ekvador, sem byrjaði keppnina með þrjú mínusstig, er með 13 stig eftir jafnteflið.

Að lokum tókst Paragvæ að vippa sér upp í sjötta sætið, sem er síðasta sætið sem veitir beinan þátttökurétt á HM, með sigri gegn Venesúela.

Þar kom Antonio Sanabria, framherji Torino, inn af bekknum í stöðunni 0-1 í leikhlé og skoraði tvennu til að snúa dæminu við.

Julio Enciso, leikmaður Brighton, var í byrjunarliði Paragvæ og klúðraði vítaspyrnu í fyrri hálfleik en lét fyrirgefa sér með því að leggja upp sigurmarkið.

Argentína 6 - 0 Bólivía
1-0 Lionel Messi ('19)
2-0 Lautaro Martinez ('43)
3-0 Julian Alvarez ('45+3)
4-0 Thiago Almada ('69)
5-0 Lionel Messi ('84)
6-0 Lionel Messi ('86)

Brasilía 4 - 0 Perú
1-0 Raphinha ('38, víti)
2-0 Raphinha ('54, víti)
3-0 Andreas Pereira ('71)
4-0 Luiz Henrique ('74)

Úrúgvæ 0 - 0 Ekvador

Paragvæ 2 - 1 Venesúela
0-1 Jon Aramburu ('25)
0-1 Julio Enciso, misnotað víti ('41)
1-1 Antonio Sanabria ('59)
2-1 Antonio Sanabria ('74)