Divock Origi hefur þurft að vera þolinmóður hjá Milan
Divock Origi, framherji Milan á Ítalíu, verður að öllum líkindum í byrjunarliði liðsins gegn Monza í Seríu A á morgun en þetta verður hans fyrsti byrjunarliðsleikur frá því hann kom til félagsins í sumar.
Origi kom til Milan á frjálsri sölu frá Liverpool en hefur fengið lítinn spiltíma hjá meisturunum.
Milan er með leikmenn á borð við Olivier Giroud og Rafael Leao í fremstu víglínu og hefur því spiltími Origi verið af skornum skammti en hann gæti fengið sinn fyrsta byrjunarliðsleik á morgun.
Origi hefur spilað átta leiki í öllum keppnum en aðeins 159 mínútur í heildina. Hann hefur ekki enn tekist að koma sér á blað.
Milan spilar við nýliða Monza á San Síró á morgun og er búist við að Stefano Pioli, þjálfari Milan, leyfi þeim Leao og Giroud að hvíla.
Origi var kult-hetja hjá Liverpool og reyndist oft bjargvættur liðsins á mikilvægum augnablikum og því spurning hvort það haldi áfram á Ítalíu.
Athugasemdir
