Valur 2 - 5 Breiðablik
0-1 Dagur Dan Þórhallsson ('24)
1-1 Patrick Pedersen ('30)
1-2 Höskuldur Gunnlaugsson ('45, víti)
2-2 Sigurður Egill Lárusson ('45)
2-3 Dagur Dan Þórhallsson ('55)
2-4 Dagur Dan Þórhallsson ('86)
2-5 Viktor Karl Einarsson ('88)
Rautt spjald: Sebastian Hedlund, Valur ('62)
Lestu um leikinn: Valur 2 - 5 Breiðablik
Valur tók á móti Íslandsmeisturum Breiðabliks í næstsíðustu umferð efri hluta Bestu deildarinnar og úr varð mikill markaleikur líkt og í fyrri leikjum dagsins.
Dagur Dan Þórhallsson fór á kostum í kvöld og tók forystuna fyrir Blika í fyrri hálfleik en Patrick Pedersen jafnaði skömmu síðar.
Höskuldur Gunnlaugsson kom Blikum aftur yfir með marki úr vítaspyrnu rétt fyrir leikhlé en Valsmenn svöruðu strax og var staðan 2-2 í hálfleik. Sigurður Egill Lárusson jafnaði með góðu skoti strax í fyrstu sókn eftir mark Blika.
Dagur Dan kom Blikum yfir í þriðja sinn með glæsilegu marki beint úr aukaspyrnu snemma í síðari hálfleik og fékk Sebastian Hedlund að líta beint rautt spjald skömmu síðar fyrir brot sem aftasti varnarmaður.
Tíu Valsmenn komust nálægt því að jafna í þriðja sinn en það hafðist ekki. Þess í stað skoraði Dagur Dan aftur úr aukaspyrnu sem svipaði gríðarlega mikið til fyrri spyrnunnar sem hann skoraði úr og að lokum kláraði Viktor Karl Einarsson dæmið með fimmta marki Blika eftir slæm mistök í uppspili Vals.
Niðurstaðan 2-5 stórsigur Blika sem gjörsamlega rúlluðu yfir Íslandsmótið í sumar.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
