Rúnar Alex Rúnarsson var í markinu hjá Alanyaspor sem heimsótti Galatasaray í tyrknesku deildinni í dag.
Þetta byrjaði erfiðlega fyrir Alanyaspor en Galatasaray komst í 2-0 eftir rúmlega 20 mínútna leik. Mauro Icardi lagði upp fyrra markið á Dries Mertens og Icardi skoraði það síðara sjálfur.
Galatasaray lék síðasta klukkutímann manni færri og Alanyaspor náði að nýta sér liðsmuninn og náði að jafna metin í uppbótartíma og nældi í jafntefli.
Rúnar átti flottan leik og varði tíu skot. Birkir Bjarnason kom ekkert við sögu í jafntefli Adana Demirspor gegn Konyaspor. Adana er í 2. sæti deildarinnar, stigi á eftir Fenerbache sem á leik til góða. Alanyaspor er í 10. sæti.
Daníel Leó Grétarsson lagði upp eitt mark í 2-2 jafntefli Slask gegn Jagiellonia í pólsku deildinni en Slask er í 12. sæti með 17 stig stigi á eftir Jagiellonia sem er í 9. sæti.
Hörður Magnússon var í byrjunarliði Panathinaikos sem vann ARis 1-0 í grísku deildinni. Panathinaikos er með sjö stiga forystu á toppnum. Sverrir Ingi Ingason var í byrjunarliði PAOK sem gerði 2-2 jafntefli gegn Asteras Tripolis. PAOK er í 5. sæti en sex efstu sætin gefa þátttökurétt í úrslitakeppni.
Rúnar Alex Rúnarsson's game in numbers🔢:
— Arsenal Loan Watch (@arsenal_loans) October 23, 2022
🧤10 saves (Most in the Süper Lig this season)
🥅2 goals conceded
➡️88% pass accuracy (30/34)
🏊♂️6 diving saves
⏹️6 saves inside the box
🥊2 punches
🤾♂️12 throws
🔁17 recoveries
🏆Man Of The Match pic.twitter.com/Lbjkl7VnOT
