Spænski bakvörðurinn Jesús Navas er búinn að leggja fótboltaskóna á hilluna og spilaði hann sinn síðasta keppnisleik í gær.
Navas er 39 ára gamall og kom inn af bekknum í 4-2 tapi Sevilla gegn Real Madrid í La Liga í gær. Allir á leikvanginum klöppuðu fyrir Navas fyrir upphafsflautið og stóðu leikmenn og dómarar heiðursvörð fyrir kempuna.
Navas hóf ferilinn sem eldfljótur kantmaður en færði sig niður í bakvörð þegar hann missti hraðann niður á síðustu árunum.
Navas lék eingöngu fyrir Sevilla og Manchester City á ferli sínum sem atvinnumaður í fótbolta og er hann goðsögn innan herbúða Sevilla. Hann lék 56 landsleiki fyrir Spán og hefur unnið þrjú stórmót með landsliðinu - HM 2010, EM 2012 og EM 2024.
Navas er fjórfaldur Evrópudeildarmeistari með Sevilla, tvöfaldur spænskur bikarmeistari og þá vann hann ensku úrvalsdeildina með Manchester City tímabilið 2013-14.
Jesús Navas gets emotional as he receives a standing ovation and guard of honor from the Santiago Bernabeu. Navas announced his retirement from football this week.
byu/Delmer9713 insoccer
Athugasemdir
