Lærisveinar hans klúðruðu frábærri stöðu gegn Real Madrid til að tapa þeim slag og unnu svo neðrideildalið Eldense í bikarnum, en í kvöld var komið að erfiðum leik á útivelli gegn Sevilla.

Staðan var markalaus í leikhlé og tóku gestirnir frá Valencia forystuna á 61. mínútu, þegar Luis Rioja skoraði eftir stoðsendingu frá Hugo Duro.

Þetta reyndist eitt af afar fáum færum Valencia í leiknum, en Sevilla skapaði sér ekki heldur mikið þar sem lærisveinar Corberán gerðu mjög vel í að takmarka tækifæri heimamanna í leiknum.

Það dugði þó ekki til vegna þess að Sevilla tókst að gera jöfnunarmark í uppbótartíma, þegar Albert Sambi Lokonga, á láni frá Arsenal, lagði upp fyrir bakvörðinn eftirsótta Adriá Pedrosa.

Lokatölur urðu því 1-1 og er Valencia áfram í botnsæti spænsku deildarinnar með 13 stig eftir 19 umferðir. Sevilla er með 23 stig.

Það fóru fleiri leikir fram í dag, þar sem Jhon Solís skoraði eina markið í sigri Girona á útivelli gegn Alavés á 91. mínútu. Girona er í sjöunda sæti eftir sigurinn, aðeins tveimur stigum frá Evrópu, á meðan Alavés er einu stigi fyrir ofan fallsvæðið.

Kike Pérez gerði þá eina mark leiksins í sigri Real Valladolid gegn Real Betis. Þetta er aðeins fjórði sigur Valladolid á tímabilinu og fleytir liðinu upp úr botnsæti deildarinnar.

Espanyol og Leganés skildu að lokum jöfn, 1-1, eftir skemmtilegan fallbaráttuslag með nóg af marktækifærum.

Sevilla 1 - 1 Valencia
0-1 Luis Rioja ('61 )
1-1 Adria Pedrosa ('90 )

Alaves 0 - 1 Girona
0-1 Jhon Solis ('90 )

Espanyol 1 - 1 Leganes
1-0 Leandro Cabrera ('2 )
1-1 Seydouba Cisse ('14 )

Valladolid 1 - 0 Betis
1-0 Kike Perez ('58 )