Moyes orðinn stjóri Everton (Staðfest) - „Frábært að vera kominn til baka“

David Moyes hefur verið kynntur sem stjóri Everton. Þessi 61 árs Skoti hefur skrifað undir tveggja og hálfs árs samning á Goodison Park eftir að Sean Dyche var rekinn á fimmtudag.

Everton er í 16. sæti ensku úrvalsdeildarinnar, stigi frá fallsæti.

„Ég átti ellefu yndisleg og vel heppnuð ár hjá Everton og hikaði ekki þegar tækifæri bauðst til að snúa aftur í þetta frábæra félag. Það er frábært að vera kominn til baka. Nú þurfum við öll að standa saman svo við getum séð til þess að við tökum á móti nýjum og mögnuðum leikvangi sem úrvalsdeildarfélag,“ segir Moyes.

Moyes stýrði Everton 2002-2013 áður en hann tók vi ðManchester United. Hann hefur síðan stýrt Real Sociedad, Sunderland og í tvígang West Ham. Hann hefur verið án starfs síðan hann yfirgaf West Ham eftir síðasta tímabils. Hjá Hömrunum vann hann Sambandsdeildina 2023.