Chelsea er ríkjandi meistari.
Úrslitaleikur Meistaradeildarinnar þetta tímabilið verður á Krestovsky leikvangnum í Pétursborg í Rússlandi 28. maí.
Á morgun klukkan 16:00 verður dregið í riðlakeppni Meistaradeildarinnar en drátturinn fer fram í Istanbúl.
Chelsea er ríkjandi meistari og verður að sjálfsögðu í pottinum, líkt og Manchester City, liðið sem tapaði úrslitaleiknum. Manchester United og Liverpool eru hinir fulltrúar Englands.
Chelsea er ríkjandi meistari og verður að sjálfsögðu í pottinum, líkt og Manchester City, liðið sem tapaði úrslitaleiknum. Manchester United og Liverpool eru hinir fulltrúar Englands.
Spánn á fimm fulltrúa, fjóra sem fengu sæti í gegnum La Liga og svo Villarreal sem vann Evrópudeildina.
Í pottinum:
Spánn: Atletico Madrid, Real Madrid, Barcelona, Sevilla, Villarreal
England: Manchester City, Manchester United, Liverpool, Chelsea
Þýskaland: Bayern München, RB Leipzig, Borussia Dortmund, Wolfsburg
Ítalía: Inter, AC Milan, Atalanta, Juventus
Frakkland: Lille, Paris St-Germain
Portúgal: Sporting Lissabon, Porto, Benfica
Rússland: Zenit í Pétursborg
Belgía: Club Brugge
Úkraína: Dynamo Kiev
Holland: Ajax
Tyrkland: Besiktas
Sviss: Young Boys
Svíþjóð: Malmö
Auk þriggja liða sem munu komast í gegnum umspilsleiki í kvöld.
Liðunum er skipt í fjóra styrkleikaflokka. Í fyrsta flokknum eru Chelsea og Villarreal auk meistara sex bestu deilda Evrópu: Manchester City (England), Atletico Madrid (Spánn), Inter (Ítalía), Bayern München (Þýskaland), Lille (Frakkland), Sporting Lissabon (Portúgal). Hinir flokkarnir eru ákveðnir samkvæmt styrkleikalista UEFA.
Lið frá sömu löndum geta ekki verið saman í riðli en liðin 32 dragast saman í átta fjögurra liða riðla.
Fyrsta umferð riðlakeppninnar verður leikin 14. og 15. september og riðlakeppninni lýkur svo 8. desember. Tvö efstu liðin í hverjum riðli fara í 16-liða úrslitin.
Á föstudag verður dregið í riðla Evrópudeildarinnar og Sambandsdeildarinnar.
Athugasemdir
