Cristiano Giuntoli yfirmaður fótboltamála hjá Juventus segir að þjálfarastarf Thiago Motta sé ekki í hættu.
Gengi Juventus hefur verið afar misjafnt að undanförnu og þrátt fyrir magnaða innkomu Randal Kolo Muani inn í liðið var það slegið afar óvænt úr leik í tveimur keppnum á einni viku.
Fyrst datt Juve úr leik í Meistaradeildinni eftir tap gegn PSV Eindhoven, áður en Empoli sló stórveldið úr leik í ítalska bikarnum.
„Starf Thiago Motta er ekki í hættu. Við höfum trú á verkefninu sem er í gangi undir hans stjórn," segir Giuntoli.
„Þrátt fyrir það erum við sammála því að frammistaðan gegn Empoli var óásættanleg."
Athugasemdir
