Daily Mirror greinir frá því að enska stórveldið Arsenal þarf að selja leikmenn í sumar til að kaupa skotmörkin sem félagið hefur sett sér.
Miðjumaðurinn Martín Zubimendi er líklega á leið til Arsenal fyrir 60 milljónir evra, sem er riftunarákvæðið í samningi hans við Real Sociedad.
Hann kemur inn í hópinn fyrir Thomas Partey og Jorginho sem eru að renna út á samningi, þó ekki sé útilokað að Partey geri nýjan samning eftir að hafa verið mikilvægur hlekkur í liðinu á yfirstandandi tímabili.
Mikel Arteta vill nýjan kantmann og framherja og þarf félagið að selja annað hvort Leandro Trossard eða Gabriel Martinelli til að fjármagna kaupin og skapa pláss í hópnum. Nico Williams, kantmaður Athletic Bilbao og spænska landsliðsins, er talinn vera efstur á óskalistanum ásamt Antoine Semenyo kantmanni Bournemouth.
Félög í Sádi-Arabíu eru sögð vera áhugasöm um Trossard og Martinelli, þó að það sé mikill verðmunur á leikmönnunum vegna aldurs og samningslengdar. Trossard mun eiga eitt ár eftir af samningi næsta sumar en Martinelli er samningsbundinn til 2027 með möguleika á framlengingu til 2028.
Varnarmennirnir Jakub Kiwior og Oleksandr Zinchenko verða þá líklega seldir á meðan Kieran Tierney fer á frjálsri sölu.
Þegar kemur að framherjamálum er Arsenal að horfa til Benjamin Sesko hjá RB Leipzig og Alexander Isak hjá Newcastle, sem gæti þó reynst alltof dýr.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 28 | 20 | 7 | 1 | 66 | 26 | +40 | 67 |
| 2 | Arsenal | 27 | 15 | 9 | 3 | 51 | 23 | +28 | 54 |
| 3 | Nott. Forest | 27 | 14 | 6 | 7 | 44 | 33 | +11 | 48 |
| 4 | Man City | 27 | 14 | 5 | 8 | 53 | 37 | +16 | 47 |
| 5 | Chelsea | 27 | 13 | 7 | 7 | 52 | 36 | +16 | 46 |
| 6 | Newcastle | 27 | 13 | 5 | 9 | 46 | 38 | +8 | 44 |
| 7 | Bournemouth | 27 | 12 | 7 | 8 | 45 | 32 | +13 | 43 |
| 8 | Brighton | 27 | 11 | 10 | 6 | 44 | 39 | +5 | 43 |
| 9 | Fulham | 27 | 11 | 9 | 7 | 40 | 36 | +4 | 42 |
| 10 | Aston Villa | 28 | 11 | 9 | 8 | 40 | 45 | -5 | 42 |
| 11 | Brentford | 27 | 11 | 5 | 11 | 48 | 43 | +5 | 38 |
| 12 | Crystal Palace | 27 | 9 | 9 | 9 | 35 | 33 | +2 | 36 |
| 13 | Tottenham | 27 | 10 | 3 | 14 | 53 | 39 | +14 | 33 |
| 14 | Man Utd | 27 | 9 | 6 | 12 | 33 | 39 | -6 | 33 |
| 15 | West Ham | 27 | 9 | 6 | 12 | 32 | 47 | -15 | 33 |
| 16 | Everton | 27 | 7 | 11 | 9 | 30 | 34 | -4 | 32 |
| 17 | Wolves | 27 | 6 | 4 | 17 | 37 | 56 | -19 | 22 |
| 18 | Ipswich Town | 27 | 3 | 8 | 16 | 26 | 57 | -31 | 17 |
| 19 | Leicester | 27 | 4 | 5 | 18 | 25 | 61 | -36 | 17 |
| 20 | Southampton | 27 | 2 | 3 | 22 | 19 | 65 | -46 | 9 |
Athugasemdir
