Afturelding tók á móti Haukum í B-deild Lengjubikars kvenna í kvöld og úr varð gríðarlega fjörug viðureign.

Heimakonur í liði Aftureldingar leiddu 2-1 eftir fyrri hálfleikinn, þar sem Elíza Gígja Ómarsdóttir og Saga Líf Sigurðardóttir gerðu fyrstu mörk leiksins.

Halla Þórdís Svansdóttir minnkaði muninn undir lok fyrri hálfleiks en Mosfellingar tvöfölduðu forystuna á nýjan leik skömmu eftir upphafsflautið á seinni hálfleiknum. Sigrún Eva Sigurðardóttir var þar á ferðinni og staðan orðin 3-1 fyrir Aftureldingu.

Hafnfirðingar voru þó ekki á því að gefast upp og áttu glæsilega endurkomu í seinni hálfleiknum. Viktoría Jóhannsdóttir minnkaði muninn áður en Halla Þórdís jafnaði metin með öðru marki sínu í leiknum.

Það var Kristín Fjóla Sigþórsdóttir sem gerði sigurmark leiksins á 78. mínútu og fullkomnaði um leið endurkomu Hauka, sem lentu 3-1 undir en sigruðu að lokum 3-4.

Haukar eru með sex stig eftir þrjár fyrstu umferðirnar í Lengjubikarnum. Afturelding er með þrjú stig.

Afturelding Hrafnhildur Hjaltalín (m), Elíza Gígja Ómarsdóttir, Ólöf Hildur Tómasdóttir, Andrea Katrín Ólafsdóttir (46'), Thelma Sól Óðinsdóttir (72'), Elfa Sif Hlynsdóttir (46'), Katrín S. Vilhjálmsdóttir, Saga Líf Sigurðardóttir, Harpa Karen Antonsdóttir (72'), Þorbjörg Jóna Garðarsdóttir
Varamenn Hólmfríður Birna Hjaltested (46'), Sigrún Guðmundsdóttir (46'), Ísabella Eiríksd. Hjaltested (72'), Telma Hjaltalín Þrastardóttir (72'), Snædís Logadóttir

Haukar Bryndís Halla Gunnarsdóttir, Elísabet Ósk L. Servo Ólafíud. (72'), Anna Rut Ingadóttir, Emilíana Guðrún Antonsdóttir, Rut Sigurðardóttir, Selma Sól Sigurjónsdóttir, Halla Þórdís Svansdóttir, Viktoría Jóhannsdóttir (87'), Hekla Björk Sigþórsdóttir, Elma Dís Ólafsdóttir
Varamenn Emma Alexandra Eiríksdóttir, Kristín Fjóla Sigþórsdóttir (72), Sara Bryndís Heimisdóttir, Védís Jóhannsdóttir, Ragnheiður Tinna Hjaltalín (87), Natalía Nótt Pétursdóttir, Ísabella B. Sigurvinsdóttir (m)