Rafael Leao
Portúgalski sóknarmaðurinn Rafael Leao er einn af heitustu bitunum á markaðnum og verið að tæta ítölsku deildina í sig síðasta árið eða svo, en hann fer þó hvergi í janúarglugganum.
Leao var valinn besti leikmaðurinn í Seríu A á síðasta tímabili er Milan vann deildina.
Hann hefur verið í sama ham á þessu tímabili með Milan og komið að ellefu mörkum í fjórtán leikjum.
Paris Saint-Germain, Chelsea og Real Madrid hafa öll áhuga en Leao er mjög spenntur fyrir Arsenal og hvernig liðið er að spila á þessu tímabili.
„Væri ég til í að prófa aðra deild? Já, klárlega í framtíðinni en núna er ég 100 prósent með einbeitinguna á Milan. Þetta er topp félag og e´g er samningsbundinn. Ég er líka hrifinn af borginni,“ sagði Leao.
„Ég horfi á marga leiki í úrvalsdeildinni en á þessu ári er ég hrifinn af Arsenal. Þeir eru að spila mjög vel,“ sagði Leao.
Athugasemdir
