Marokkóski sóknartengiliðurinn Hakim Ziyech er 29 ára gamall og samningsbundinn Chelsea til 2025.
Hann hefur átt erfitt uppdráttar frá komu sinni til Chelsea og ekki skánaði ástandið við komu nýs knattspyrnustjóra, Graham Potter, til félagsins.
Ziyech er einstaklega hæfileikaríkur fótboltamaður og sýndi heiminum hvers vegna hann var lykilmaður í liði Ajax í fjögur ár þegar hann leiddi Marokkó alla leið í undanúrslitaleik heimsmeistaramótsins í Katar.
„Hérna hjá Chelsea þekkjum við hæfileika hans og okkur líkar við hann sem leikmann. Ég hef rætt við Hakim um stöðuna, það munu alltaf vera leikmenn sem eru ekki í byrjunarliðinu og þurfa að sýna þolinmæði," sagði Potter.
„Ég hlakka til að sjá hann spreyta sig á vellinum og leggja sitt fram til að hjálpa liðinu."
