Benóný Breki Andrésson gerði sér lítið fyrir og skoraði fimm mörk í 7-0 sigri KR á HK fyrr í dag. Þar með sló Benóný markametið í efstu deild. Benóný kom í viðtal eftir leik.
Lestu um leikinn: KR 7 - 0 HK
„Þetta var planið fyrir leik, að komast sem hæst á listann. Fimm mörk það er mjög ánægjulegt."
„Ég fékk tvö færi snemma leiks en klúðraði þeim. Þá hugsaði ég samt að þetta væri dagurinn. Síðan fékk ég þetta víti og eftir það gat ég ekki stoppað."
Sumarið hjá KR-ingum var sveiflukennt.
„Þetta var allt í lagi bara. Við hefðum getað gert miklu betur, hefðum viljað að vera í topp 6. Það var mikið af breytingum í klúbbum en enduðum vel."
Benóný hefur verið orðaður við lið í LaLiga og Bundesliga.
„Ég var alveg jafn hissa á þessu og þið. Ég opnaði símann eftir æfingu og sá þessa frétt. Þetta verður að koma betur í ljós á næstu dögum. Þetta kom mér smá á óvart. Síðan skiptir máli að hugsa ekki mikið um þetta fyrir þennan leik bara að klára mótið með stæl.
Hugurinn leitar út.
„Já hann gerir það, algjörlega. Ég þarf að velja rétt og spurning hvað það verður."
Viðtalið má sjá í heild sinni í spilaranum hér að ofan.
Athugasemdir