Selfoss 3 - 1 KFA
0-1 Birkir Ingi Óskarsson ('54 )
1-1 Sesar Örn Harðarson ('75 )
2-1 Brynjar Bergsson ('99 )
3-1 Gonzalo Zamorano Leon ('102 )
Lestu um leikinn
Selfoss vann Fótbolti.net bikarinn eftir sigur á KFA í úrslitum á Laugardalsvelli í kvöld. Þetta var í annað sinn sem keppnin er haldin en Víðir vann bikarinn síðasta sumar.
Það var markalaust í hálfleik, bæði lið fengu tækifæri til að skora en KFA var sterkari aðilinn.
KFA náði verðskuldað forystunni snemma í seinni hálfleik þegar Birkir Ingi Óskarsson kom boltanum í netið eftir vel útfærða aukaspyrnnu.
Selfoss sótti í sig veðrið og það skilaði sér þegar stundafjórðungur var til loka venjulegs leiktíma. Sesar Örn Harðarson stýrði boltanum í netið eftir undirbúning Gonzalo Zamorano.
Selfyssingar fengu tækifæri til að klára leikinn í venjulegum leiktíma en það tókst ekki og því var framlengt.
Selfyssingar kláruðu þetta með tveimur mörkum á þriggja mínútna kafla en í bæði skiptin voru markaskorarnir aleinir inn á teignum og fengu frían skalla. KFA fékk tækifæri til að koma sér í leikinn en Eysteinn Ernir Sverrisson bjargaði á línu strax í upphafi seinni hálfleiks framlengingarinnar.
Selfyssingar unnu því tvennuna, 2. deild og Fótbolti.net bikarinn.