Guardiola hefur miklar mætur á Rodri, sem er talinn til allra bestu miðjumanna heimsfótboltans í dag.
Pep Guardiola, þjálfari Manchester City, viðurkennir að það er gríðarlegur missir fyrir liðið að missa spænska miðjumanninn Rodri í meiðsli.
Rodri verður frá næstu mánuðina og þarf Man City að aðlagast því að vera án besta miðjumanns í heimi í byrjunarliðinu. Guardiola hefur ekki miklar áhyggjur af því.
„Við munum finna lausn. Þegar einn leikmaður er svona gæðamikill þá þarf allt liðið að fylla í skarðið fyrir hann, og ég veit að við munum gera það," sagði Guardiola.
„Við gerðum það á síðustu leiktíð þegar við misstum Erling í meiðsli í þrjá mánuði og vorum svo án De Bruyne í fimm mánuði en unnum samt úrvalsdeildina."
Englandsmeistarar Man City eru á toppi úrvalsdeildarinnar með 13 stig eftir fyrstu 5 umferðirnar á nýju tímabili.
Athugasemdir