Amanda Jacobsen Andradóttir byrjaði á bekknum hjá FC Twente í þægilegum sigri gegn Osijek frá Króatíu í úrslitaleik um sæti í riðlakeppni Meistaradeildar Evrópu.
Twente hafði unnið fyrri leikinn 1-4 á útivelli og var staðan 3-0 í leikhlé í dag.
Amanda lagði upp fjórða mark Twente skömmu eftir innkomu sína í hálfleik og urðu lokatölur 4-0, eða 8-1 samanlagt.
Það fóru fleiri leikir fram í dag þar sem austurríska félagið St. Pölten tryggði sér sæti í riðlakeppninni með sigri gegn Mura í Slóveníu á meðan Juventus gerði sér lítið fyrir og sigraði Paris Saint-Germain í París til að slá franska stórveldið úr leik.
Juve hafði unnið fyrri leikinn 3-1 á heimavelli og spilaði flottan leik á útivelli til að tryggja sig í riðlakeppnina, samanlagt 5-2 sigur.
Að lokum tryggði ítalska stórveldið Roma sig í riðlakeppnina með stórsigri gegn Servette frá Sviss.
Twente 4 - 0 Osijek (8-1 samanlagt)
PSG 1 - 2 Juventus (2-5 samanlagt)
Servette 2 - 7 Roma (3-10 samanlagt)
Mura 0 - 5 St. Polten (0-8 samanlagt)
Athugasemdir
