Daði Freyr kom inn í markið í stað Sindra.
Sindri Kristinn Ólafsson.
Daði Freyr Arnarsson hefur varið mark FH síðustu tvo leiki en Heimir Guðjónsson, þjálfari Hafnarfjarðarliðsins, ákvað að setja Sindra Kristin Ólafsson á bekkinn eftir 0-3 tap gegn Stjörnunni á fyrsta degi mánaðarins.
Daði gerði slæm mistök í 3-3 jafntefli gegn Fram og hefur svo verið gagnrýndur eftir 3-0 tap gegn Víkingi í gær.
Daði gerði slæm mistök í 3-3 jafntefli gegn Fram og hefur svo verið gagnrýndur eftir 3-0 tap gegn Víkingi í gær.
Lestu um leikinn: Víkingur R. 3 - 0 FH
„Þessi ákvörðun Heimis Guðjónssonar að setja Daða Frey í markið í síðustu leikjum er í besta falli glórulaus. Óskiljanlegt í raun," skrifar Hörður Snævar Jónsson, ritstjóri 433.is, á samfélagsmiðlinum X.
Magnús Haukur Harðarson, stuðningsmaður FH, segir að Hafnarfjarðarliðið eigi að reyna að fá Halldór Snæ Georgsson markvörð Fjölnis.
„Ég veit um markmann fyrir FH. Hann heitir Halldór Snær og er í Fjölni. Þar er líka miðvörður sem heitir Baldvin Berndsen, ekki sofa á honum," skrifar Magnús.
Eins og það væri slökkt á þeim
FH hefur aðeins unnið einn af síðustu sjö leikjum sínum í Bestu deildinni. Þrátt fyrir 3-0 tapið gegn Víkingi í gær sagðist Heimir ánægður með frammistöðu síns liðs og að Daði hefði að sínu mati staðið sig vel í leikjunum tveimur. FH hefur tapað í ellefu síðustu viðureignum sínum gegn Víkingi.
Sölvi Haraldsson, fréttamaður Fótbolta.net, var ekki eins hrifinn af frammistöðu FH og þjálfarinn.
„Mér fannst Bjarni Guðjón og Björn Daníel býsna slakir á miðsvæðinu í dag og voru alls ekki að tengja í leiknum. Það var eins og það var slökkt á þeim í leiknum og þá sérstaklega Bjarna," skrifaði Sölvi í skýrslu sína og nefnir einnig Daða markvörð.
„Átti svo sannarlega að verja seinasta markið og hefur fengið sex mörk á sig í þessum tveimur leikjum sem hann hefur fengið traustið í."
Þessi ákvörðun Heimis Guðjónssonar að setja Daða Frey í markið í síðustu leikjum er í besta falli glórulaus. Óskiljanlegt í raun.
— Hörður S Jónsson (@hoddi23) September 25, 2024
Ég veit um markmann fyrir FH.
— Max Koala (@Maggihodd) September 25, 2024
Hann heitir Halldór Snær og er í Fjölni.
Þar er líka miðvörður sem heitir Baldvin Berndsen ekki sofa á honum.
Besta-deild karla - Efri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 27 | 19 | 5 | 3 | 63 - 31 | +32 | 62 |
| 2. Víkingur R. | 27 | 18 | 5 | 4 | 68 - 33 | +35 | 59 |
| 3. Valur | 27 | 12 | 8 | 7 | 66 - 42 | +24 | 44 |
| 4. Stjarnan | 27 | 12 | 6 | 9 | 51 - 43 | +8 | 42 |
| 5. ÍA | 27 | 11 | 4 | 12 | 49 - 47 | +2 | 37 |
| 6. FH | 27 | 9 | 7 | 11 | 43 - 50 | -7 | 34 |
Athugasemdir
