Liverpool tók á móti West Ham United í 32-liða úrslitum enska deildabikarsins í kvöld og lentu heimamenn undir í fyrri hálfleik þegar Jarell Quansah varð fyrir því óláni að skora sjálfsmark með hælnum eftir hornspyrnu.

Diogo Jota fékk aftur tækifæri með byrjunarliði Liverpool eftir að hafa misst sæti sitt í byrjunarliðinu í ensku úrvalsdeildinni og jafnaði hann metin á 25. mínútu, en staðan var 1-1 eftir nokkuð jafnan fyrri hálfleik.

Heimamenn mættu talsvert grimmari til leiks í síðari hálfleik og tóku stjórn á leiknum. Diogo Jota tvöfaldaði forystuna í upphafi síðari hálfleiks og skömmu síðar kom Mohamed Salah inn af bekknum til að tvöfalda forystuna.

Edson Álvarez, miðjumaður West Ham, fékk seinna gula spjaldið sitt á 76. mínútu og bætti Cody Gakpo tveimur mörkum til viðbótar á lokamínútunum.

Lokatölur 5-1 fyrir Liverpool sem er komið áfram í næstu umferð deildabikarsins.