Þetta var 39. leikur Real Madrid í röð án taps undir stjórn Ancelotti og er hann fyrsti þjálfarinn til að afreka þetta í sögu deildarinnar.

Barcelona er það félag sem hefur farið í gegnum flesta deildarleiki í röð án taps, eða 43 talsins, en félagið gerði það með tveimur mismunandi þjálfurum - þeim Luis Enrique og Ernesto Valverde.

Real Madrid er aðeins fjórum leikjum frá því að jafna met Barcelona en það eru afar erfiðir leikir framundan. Næsti leikur liðsins er á útivelli gegn Atlético Madrid, en síðustu tveir tapleikir Real komu einmitt á Metropolitano vellinum hjá Atlético 24. september og 18. janúar. Það voru einu tapleikir Real Madrid á síðustu leiktíð.

Ef Real tekst að fara taplaust í gegnum næstu leiki, þá er 43. leikurinn gegn Barcelona og fá Börsungar þar tækifæri til að verja metið sitt. Það verður gríðarlega spennandi viðureign þar sem Barcelona hefur farið afar vel af stað undir stjórn Hansi Flick og er með fullt hús stiga eftir sjö fyrstu umferðirnar á nýju deildartímabili.