Króatíski bakvörðurinn Josip Juranovic mun líklega skipta um félag í janúar en hann hefur átt frábæra sex mánuði með Celtic og króatíska landsliðinu.
Celtic keypti Juranovic frá Legia Varsjá síðasta sumar fyrir um 3 milljónir evra og núna getur félagið selt hann fyrir næstum því tífalda upphæð.
Hann braust fram í sviðsljósið með Króatíu á HM og núna hafa ýmis stórlið áhuga á honum. Barcelona og Atletico Madrid hafa verið nefnd til sögunnar en Börsungar hafa fylgst náið með Juranovic í nokkra mánuði, frá því áður en heimsmeistaramótið hófst.
Chelsea er þó talinn vera líklegasti áfangastaðurinn fyrir Juranovic þar sem enska stórveldinu vantar hægri bakvörð í ljósi meiðslavandræða Reece James og hækkandi aldur Cesar Azpilicueta.
Ólíklegt er að Barcelona geti leyft sér að keppa við Chelsea um Juranovic þegar kemur að kaupverði og launakjörum.
