Demarai Gray skoraði stórkostlegt mark sem tryggði stórt stig

Mynd: Getty Images

City fékk Everton í heimsókn en heimamenn voru marki yfir í hálfleik en það var markahrókurinn Erling Haaland sem skoraði markið.

Snemma í síðari hálfleik lenti annar aðstoðardómaranna í veseni með samskiptabúnaðinn og tafðist leikurinn helling á meðan var verið að laga það.

Loksins for leikurinn aftur af stað og eftir rúmlega klukkutíma leik skoraði Demarai Gray stórkostlegt mark og jafnaði metin fyrir Everton.

City reyndi hvað þeir gátu að ná í sigurmarkið en þrátt fyrir 11 mínútna uppbótartíma tókst það ekki og Everton nældi í sterkt stig en City missti tvö dýrmæt stig í toppbaráttunni.

Fulham vann dramatískan sigur á Southampton þar sem Palhinha skoraði sigurmarkið á næst síðustu mínútu venjulegs leiktíma. Nýliðar Fulham eru í 7. sæti deildarinnar á meðan Southampton er á botninum.

Michael Olise lagði upp mörkin á Jordan Ayew og Eberechi Eze þegar Crystal Palace vann Bournemouth 2-0. Newcastle og Leeds gerðu markalaust jafntefli.

Bournemouth 0 - 2 Crystal Palace
0-1 Jordan Ayew ('19 )
0-2 Eberechi Eze ('36 )

Fulham 2 - 1 Southampton
0-1 James Ward-Prowse ('32 , sjálfsmark)
0-2 James Ward-Prowse ('56 )
1-2 Joao Palhinha ('88 )

Manchester City 1 - 1 Everton
1-0 Erling Haland ('24 )
1-1 Demarai Gray ('64 )

Newcastle 0 - 0 Leeds