Liverpool er í leit að minnsta kosti tveimur miðjumönnum en ekki er víst að þeir menn mæti í leikmannahópinn í janúar.

Félagið er áhugasamt um þá Enzo Fernandez, Jude Bellingham og Moises Caicedo.

Enzo er á mála hjá Benfica í Portúgal en til þess að kaupa hann þarf að greiða 105 milljónir evra, Portúgalskir fjölmiðlar greindu frá því að tvö stórlið væru búin að leggja fram tilboð í argentínska miðjumanninn en Liverpool er ekki eitt þeirra.

Chelsea leiði baráttuna um Enzo og er talið líklegra en ekki að hann gangi í raðir félagsins í janúar.

Caicedo, miðjumaður Brighton, er annar leikmaður sem Liverpool hefur verið að skoða, en eins og með Enzo, þá hefur félagið ekki lagt fram tilboð.

Jude Bellingham hjá Borussia Dortmund er ekki fáanlegur fyrr en næsta sumar.