Ronaldo skrifaði undir þriggja ára samning við Al Nassr í gær og verður langlaunahæsti leikmaður sins. Hann mun þéna um 200 milljónir evra í árslaun.

Topplið í Evrópu höfðu engan áhuga á að fá Ronaldo. Jorge Mendes, umboðsmaður Ronaldo, hafði samband við öll stærstu félögin í Evrópu, en öll sögðu nei.

Portúgalski leikmaðurinn vildi ólmur snúa aftur til Real Madrid og beið eftir símtali frá Florentino Perez, forseta félagsins, en það símtal kom aldrei. Ronaldo er markahæsti leikmaður í sögu Real Madrid með 450 mörk.

Marca segir að Mendes hafi ekki átt neinn þátt í viðræðum Ronaldo við Al Nassr, en hann hefur séð um hans mál í tæpa tvo áratugi.