Ferguson, sem er aðeins 18 ára gamall, spilaði sinn fyrsta leik fyrir félagið á síðasta tímabili, en fyrstu mörk hans með liðinu hafa komið á þessari leiktíð.

Hann skoraði í enska deildabikarnum fyrr á tímabilinu og í kvöld kom fyrsta deildarmarkið.

Lewis Dunk átti þá langa sendingu fram völlinn og fór Ferguson í harða baráttu við William Saliba sem endaði með því að framherjinn hristi þann franska af sér áður en hann skoraði framhjá Aaron Ramsdale í markinu.

Ferguson varð um leið yngsti markaskorari Brighton í efstu deild en hann er 18 ára og 73 daga gamall. Mark hans fylgir með fréttinni.

Sjáðu markið hér