Atli Viðar skoraði þrennu gegn Þrótti
Þróttur R. 0 - 7 FH
0-1 Karl Brynjar Björnsson ('6, sjálfsmark)
0-2 Jeremy Serwy ('10)
0-3 Atli Viðar Björnsson ('12)
0-4 Atli Viðar Björnsson ('33)
0-5 Emil Pálsson ('50)
0-6 Atli Viðar Björnsson ('59)
0-7 Steven Lennon ('84)
1-7 Dion ('86)
0-1 Karl Brynjar Björnsson ('6, sjálfsmark)
0-2 Jeremy Serwy ('10)
0-3 Atli Viðar Björnsson ('12)
0-4 Atli Viðar Björnsson ('33)
0-5 Emil Pálsson ('50)
0-6 Atli Viðar Björnsson ('59)
0-7 Steven Lennon ('84)
1-7 Dion ('86)
FH-ingar slátruðu Þrótti þegar liðin mættust í Riðli 1 í A-deild Fótbolta.net mótsins í kvöld.
Atli Viðar Björnsson var fremstur meðal jafninga hjá FH og skoraði þrennu.
Óhætt er að segja að Hafnfirðingar hafi byrjað leikinn mun betur, en eftir 12 mínútur var staðan orðin 3-0. Karl Brynjar Björnsson byrjaði á að skora sjálfsmark og skömmu síðar skoraði hinn belgíski Jeremy Serwy stórkostlegt aukaspyrnumark, alveg upp í skeytin. Þetta var keimlíkt markinu sem hann skoraði gegn Blikum á Fótbolta.net mótinu á laugardag.
Atli Viðar Björnsson kom svo FH í 3-0 og 4-0 fyrir leikhlé, í báðum tilfellum eftir undirbúning frá Jonathan Hendrickx. Var staðan 4-0 fyrir FH í leikhléi.
Þeir Emil Pálsson og Atli Viðar bættu svo við mörkum tiltölulega snemma í fyrri hálfleik og var Dalvíkingurinn nú búinn að fullkomna þrennuna.
Á 84. mínútu kom Steven Lennon svo FH-ingum í 7-0 áður en Bandaríkjamaðurinn Dion, sem Þróttur er að skoða, klóraði í bakkann.
Lokatölur frábær 7-1 sigur FH, sem er nú komið með 3 stig eftir tvo leiki á meðan Þróttur er enn án stiga.
Smelltu hér til að skoða textalýsingu leiksins
Athugasemdir
