Arnór Sveinn Aðalsteinsson skoraði sigurmarkið. Hér hampar hann verðlaununum í leikslok.
Breiðablik 2 - 1 Stjarnan
1-0 Arnþór Ari Atlason ('35)
1-1 Veigar Páll Gunnarsson ('56)
2-1 Arnór Sveinn Aðalsteinsson ('58)
1-0 Arnþór Ari Atlason ('35)
1-1 Veigar Páll Gunnarsson ('56)
2-1 Arnór Sveinn Aðalsteinsson ('58)
Breiðablik sigraði Stjörnuna 2-1 í úrslitaleik Fótbolta.net mótsins í Kórnum í kvöld. Þetta er í þriðja skipti á fjórum árum sem Blikar vinna mótið en þeir voru einnig sigurvegarar 2012 og 2013. Í fyrra sigraði Stjarnan.
Arnþór Ari Atlason kom Blikum yfir með skalla eftir fyrirgjöf frá Guðmundi Friðrikssyni og Blikar leiddu 1-0 í hálfleik.
Veigar Páll Gunnarsson jafnaði í síðari hálfleik þegar hann fylgdi eftir og skoraði eftir að Gunnleifur Gunnleifsson hafði varið skot frá Þórhalli Kára Knútssyni.
Blikar náðu að endurheimta forystuna þegar Arnór Sveinn Aðalsteinsson fylgdi á eftir og skoraði eftir að Sveinn Sigurður Jóhannesson hafði varið vítaspyrnu hans.
Vítaspyrnan var dæmd þegar Brynjar Gauti Guðjónsson braut klaufalega á Kára Ársælssyni þegar hann snéri baki í markið.
Stjarnan komst nálægt því að jafna en fann ekki leið aftur framhjá Gunnleifi Gunnleifssyni markverði sem varði vel í tvígang.
Breiðablik, Fótbolta.net móts meistarar 2015.
Athugasemdir
