Rothwell er 29 ára gamall og lék á láni hjá Southampton á seinni hluta síðustu leiktíðar. Hann hjálpaði liðinu að fara upp úr Championship deildinni, en var ónotaður varamaður í úrslitaleik umspilsins þegar Southampton hafði betur gegn Leeds United á Wembley.

Hann lék mikilvægt hlutverk í vor þar sem hann skoraði 4 mörk í 17 leikjum með Southampton og mun halda áfram að spila í Championship deildinni þrátt fyrir að hafa komist upp.

Rothwell var lykilmaður í liði Blackburn Rovers áður en hann var keyptur til Bournemouth fyrir tveimur árum, en honum tókst ekki að hrifsa byrjunarliðssæti í ensku úrvalsdeildinni.

Allir aðilar hafa komist að samkomulagi og á Rothwell einungis eftir að standast læknisskoðun, sem ætti að ljúka á næstu tveimur sólarhringum.

Rothwell þótti mikið efni áður fyrr og lék 16 leiki fyrir yngri landslið Englands. Hann er uppalinn hjá Manchester United en kom aldrei við sögu með meistaraflokki.

Rothwell á tvö ár eftir af samningi sínum við Bournemouth en hann er aðeins metinn á um 2 milljónir punda samkvæmt vefsíðu transfermarkt.

Uppfært:
Leeds hefur staðfest félagaskiptin.