Di María var helst orðaður við Inter Miami í MLS deildinni, þar sem hann myndi spila með Lionel Messi, Sergio Busquets, Luis Suárez og Jordi Alba meðal annars, en einnig við félög í Sádi-Arabíu.

Hann hefur þó ákveðið að vera áfram í portúgalska boltanum eftir að hafa reynst mikilvægur partur af sterku liði Benfica á síðustu leiktíð.

Hinn 36 ára gamli Di María átti magnað tímabil með Benfica þar sem hann kom að 32 mörkum með beinum hætti í 48 leikjum.

Hann gerir eins árs samning við Benfica og mun vera með alla sína einbeitingu í því að gera vel fyrir félagið á næstu leiktíð. Hann verður ekki lengur upptekinn af argentínska landsliðinu eftir úrslitaleik Copa América um helgina, sem mun minnka leikjaálagið og gera honum kleift að spila enn betur en áður.