Hann fær 6,5 milljónir evra í árslaun, eftir skatt, og þá er auka 2 milljóna evru bónus í myndinni ef honum tekst að stýra Inter til annars Ítalíumeistaratitils á þessum tveimur árum.

Inzaghi er 48 ára gamall og tók við Inter sumarið 2021 eftir góðan árangur með Lazio í fimm ár þar á undan.

Stjórnendur Inter hafa miklar mætur á honum eftir frábært gengi á síðustu árum, þar sem Inzaghi kom Inter alla leið í úrslitaleik Meistaradeildar Evrópu í fyrra áður en hann vann Serie A deildina í ár.