Stefán Teitur Þórðarson.
Landsliðsmaðurinn Stefán Teitur Þórðarson lék í dag sinn fyrsta leik fyrir enska félagið Preston.
Preston er í æfingaferð á Spáni en liðið spilaði þar æfingaleik gegn Lincoln.
Preston er í æfingaferð á Spáni en liðið spilaði þar æfingaleik gegn Lincoln.
Preston spilaði á tveimur mismunandi byrjunarliðum í leiknum en Stefán Teitur lék seinni hálfleikinn.
Stefán, sem er 25 ára miðjumaður, skrifaði nýverið undir þriggja ára samning við Preston. Skagamaðurinn öflugi hafði verið hjá Silkeborg í Danmörku í fjögur ár eftir að hafa leikið þar áður vel með uppeldisfélaginu ÍA.
Hann var orðaður við bæði Derby og QPR áður en Preston blandaði sér inn í baráttuna um síðustu helgi.
Hann á að baki 20 landsleiki og kom við sögu í sigrinum frækna gegn Englandi á Wembley í síðasta mánuði.
Preston tapaði leiknum 0-1 gegn Lincoln en leikmönnum liðsins var vel tekið af stuðningsmönnum eftir leikinn, og þá sérstaklega Stefán. Stuðningsmenn enska liðsins gerðu sér lítið fyrir og hentu í víkingaklappið eins og sjá má á myndbandinu hér fyrir neðan.
The thunder clap was inevitable, wasn't it? ????????????#pnefc pic.twitter.com/Wj9AyWXYFA
— Preston North End FC (@pnefc) July 12, 2024
Athugasemdir
