Næstsíðasta umferð í undankeppni EM fór fram í kvöld þegar Ísland tryggði sér sæti á lokamótinu með sögulegum sigri gegn Þýskalandi.
Það fóru ýmsir aðrir leikir fram, þar sem Danmörk tryggði sér sæti á lokamótinu með þægilegum sigri í Belgíu.
Svíþjóð tapaði þá í Frakklandi sem þýðir að þær sænsku eiga úrslitaleik við England framundan, þar sem þjóðirnar berjast um annað sæti riðilsins.
Svíar þurfa því sigur gegn Englandi í lokaumferðinni til að hirða annað sætið og tryggja sér þátttöku á EM, en liðið sem endar í þriðja sæti fer í umspil.
England lagði Írland að velli í Norwich á meðan Ítalía gerði jafntefli við Holland í galopnum riðli þar sem allar fjórar þjóðirnar geta enn komist beint á EM fyrir lokaumferðina.
Ítalía getur tryggt sér sæti á EM með sigri gegn Finnlandi á meðan Noregur og Holland spila mögulegan úrslitaleik. Finnar geta þá komist á lokamótið með sigri gegn Ítalíu og hagstæðum úrslitum í Noregi.
Austurríki 3 - 1 Pólland
Tékkland 2 - 1 Spánn
Finnland 1 - 1 Noregur
Belgía 0 - 3 Danmörk
Holland 0 - 0 Ítalía
England 2 - 1 Írland
Frakkland 2 - 1 Svíþjóð
Örugg sæti á lokamótinu:
Spánn
Danmörk
Frakkland
Þýskaland
Ísland
Athugasemdir
