Hamrarnir eru að reyna að kaupa Samuel Omorodion sem er aðeins 20 ára gamall.

Omorodion leikur sem framherji og skoraði 9 mörk í 35 leikjum með Alavés í La Liga á nýliðnu tímabili.

Omorodion á 3 mörk í 10 leikjum fyrir U21 og U19 landslið Spánar og hefur þjálfarateymi Atlético miklar mætur á honum.

Óljóst er hvort Hamrarnir munu gera endurbætt tilboð í framherjann efnilega, en Atlético hefur ekki áhuga á að selja. AS Roma og fleiri lið úr ítalska boltanum eru áhugasöm og gæti Omorodion verið lánaður til Ítalíu fyrir næstu leiktíð ef hann fær ekki hlutverk hjá Atlético.