Kelleher er þreyttur á því að vera varamarkvörður og vill ólmur fá meiri spiltíma. Til þess gæti hann þurft að skipta um félag.

„Ég er var mjög skýr í viðræðum við félagið í sumar. Ég vil vera markvörður númer 1, hvort sem það er hérna hjá Liverpool eða annars staðar," sagði Kelleher.

„Ég ræddi við þjálfarann (Arne Slot) um málin og staðan er þannig að Alisson er einn af bestu markvörðum í heimi. Hann er aðalmarkvörðurinn hérna og verður það áfram."

Kelleher er 25 ára gamall og fékk að spila 26 leiki á síðustu leiktíð, 10 í deild, vegna meiðslavandræða hjá Alisson. Hann á í heildina 49 leiki að baki fyrir Liverpool og spilar því sinn fimmtugasta leik fyrir félagið í dag.