Þar er ýmislegt sem kemur á óvart í báðum byrjunarliðum, þar sem Luis Díaz, Darwin Núnez og Alexi Mac Allister byrja allir á varamannabekknum eftir erfiða leiki í undankeppni HM í vikunni og langt ferðalag til og frá Suður-Ameríku.

Cody Gakpo, Diogo Jota og Curtis Jones eru því meðal byrjunarliðsmanna í dag, ásamt Dominik Szoboszlai.

Reece James, fyrirliði Chelsea, er óvænt í byrjunarliðinu eftir að hafa náð sér eftir mikil meiðslavandræði. Jadon Sancho og Noni Madueke byrja á köntunum og halda þeir Pedro Neto, Joao Felix og Christopher Nkunku á varamannabekknum.

Roméo Lavia byrjar á miðjunni þar sem Enzo Fernández sest á bekkinn eftir að hafa spilað með Argentínu í landsleikjahlénu.

Ekvadorski miðjumaðurinn Moisés Caicedo er eini Suður-Ameríkumaðurinn sem byrjar í dag þrátt fyrir að hafa spilað báða landsleiki Ekvador í hlénu.

Liverpool: Kelleher, Alexander-Arnold, Van Dijk, Konaté, Robertson, Szoboszlai, Jones, Gravenberch, Gakpo, Jota, Salah
Varamenn: Jaros, Gomez, Endo, Diaz, Nunez, Mac Allister, Tsimikas, Quansah, Morton

Chelsea: Sanchez, James, Gusto, Tosin, Colwill, Caicedo, Lavia, Madueke, Palmer, Sancho, Jackson
Varamenn: Bettinelli, Disasi, Badiashile, Veiga, Dewsbury-Hall, Fernandez, Neto, Felix, Nkunku