West Ham er í 15. sæti eftir 4-1 tap gegn Tottenham á laugardag og er ekki að íhuga stjóraskipti sem stendur. Félagið hyggst gefa Lopetegui tíma eftir að hafa ráðið hann í sumar til að taka við af David Moyes.

Stjórn West Ham er ekki þekkt fyrir að taka skyndiákvarðanir og er samkvæmt Guardian meðvituð um að Spánverjinn er að innleiða nýjan leikstíl og er með marga nýja leikmenn í höndunum.

Pressan eykst þó á Lopetegui en West Ham á heimaleik gegn Manchester United á sunnudag. Staða hans gæti verið skoðuð ef ekki sjást framfarir fyrir jól.

West Ham hefur fengið á sig fimmtán mörk í átta leikjum þrátt fyrir að hafa bætt við sig Aaron Wan-Bissaka, Max Kilman ogJean-Clair Todibo.