Mason Greenwood vill ræða við Thomas Tuchel, nýjan landsliðsþjálfara Englands, áður en hann tekur ákvörðun um landsliðsframtíð sína.
Greenwood á að baki einn landsleik fyrir England - gegn Íslandi 2020 - en hann hefur ekki komið til greina í langan tíma.
Í október 2022 var Greenwood, sem er 22 ára í dag, ákærður fyrir nauðgun og heimilisofbeldi en málið var látið niður falla í febrúar í fyrra. Sönnunargögn málsins voru myndir, myndbönd og hljóðupptaka sem kærasta hans birti á Instagram, en málið var þrátt fyrir það látið falla niður.
Hann hefur mest af verið frábær með Marseille í Frakklandi á tímabilinu en nú þegar enska sambandið hefur ráðið Thomas Tuchel sem nýjan landsliðsþjálfara, þá ætlar Greenwood að ræða við hann.
Greenwood á þann möguleika að spila fyrir Jamaíku en hann ætlar fyrst að taka stöðuna núna þegar nýr landsliðsþjálfari hefur verið ráðinn.
Athugasemdir