Nottingham Forest 1 - 0 Crystal Palace
1-0 Chris Wood ('65)
1-0 Chris Wood ('65)
Nottingham Forest og Crystal Palace áttust við í síðasta leik 8. umferðar enska úrvalsdeildartímabilsins í kvöld.
Hart var barist í Nottingham og ríkti jafnræði með liðunum sem skiptust á að eiga góða kafla og fá góð færi.
Forest fékk betri færi í fyrri hálfleik en staðan var markalaus allt þar til á 65. mínútu, þegar Chris Wood skoraði það sem reyndist eina mark leiksins.
Wood skoraði með skoti utan vítateigs og hefur Dean Henderson fengið mikla gagnrýni fyrir að hafa mistekist að verja skotið sem var ekki sérlega fast.
Sjáðu atvikið
Eberechi Eze komst næst því að jafna fyrir Palace þegar skot hans eftir aukaspyrnu hafnaði í slánni og urðu lokatölur 1-0 eftir mikinn baráttuleik.
Nottingham Forest er komið upp í áttunda sæti ensku úrvalsdeildarinnar eftir þennan sigur, með 13 stig eftir 8 umferðir.
Crystal Palace er í fallsæti með 3 stig.
Athugasemdir