Stuðningsmenn Liverpool bauluðu á David James, fyrrum markvörð liðsins, er hann varði tvær vítaspyrnur frá ellefu ára barni sem fékk tækifærið til að taka vítaspyrnu í hálfleik í leik Liverpool og Chelsea á Anfield í dag.
Standard Chartered, einn helsti styrktaraðili Liverpool, bauð krökkum að taka vítaspyrnur á James.
Einn ellefu ára krakki sem var greinilega spenntur fyrir tækifærinu að fá að skora á Anfield, mætti James á vítapunktinum, en þessi fyrrum markvörður Liverpool og enska landsliðsins, var ekki á þeim buxunum að leyfa honum að skora.
James varði vítaspyrnu frá honum en bauð honum að taka aðra, sem hann auðvitað varði líka.
Í kjölfarið var baulað á James úr stúkunni, sem snéri í áttina að þeim og yppti öxlum.
James, sem spilaði með ÍBV árið 2013, birti sjálfur myndskeið af vörslunni og virtist stoltur af þessu afreki sínu.
So, half-time standard Chartered penalty shootout at @LFC, the young lad has a chance to retake his penalty.....
— David James (@jamosfoundation) October 20, 2024
Today's signed match shirts and last week's @LiverpoolFCW signed match shirts are live to bid for https://t.co/KlCMW0uQjS#futuremakers pic.twitter.com/pnLhPy3Qrg
Top #respect moments from David James, the kid should’ve tried harder pic.twitter.com/p86heksUdN
— morgan (@mxrganhulme7) October 20, 2024
Athugasemdir