Það var brotist inn á heimili fótboltaparsins Douglas Luiz og Alisha Lehmann um nýliðna helgi.
Það er Gazzetta dello Sport sem greinir frá þessu en þar segir að innbrotsþjófarnir hafi stolið ellefu úrum í eigu Luiz ásamt demantshálsmenum sem Lehmann átti.
Það er Gazzetta dello Sport sem greinir frá þessu en þar segir að innbrotsþjófarnir hafi stolið ellefu úrum í eigu Luiz ásamt demantshálsmenum sem Lehmann átti.
Luiz spilaði í 1-0 sigri gegn Lazio á laugardagskvöldið og þegar hann kom heim var heimili hans í rúst. Lehmann var á hóteli þar sem hún var í útileik ásamt liðsfélögum sínum.
Talið er að þjófarnir hafi komist í burtu með ránsfeng að andvirði rúmlega 64 milljóna íslenskra króna.
Þetta er ekki í fyrsta sinn sem brotist er inn hjá leikmanni Juventus Moise Kean, Kaio Jorge og Angel Di Maria hafa allir lent í þessu á síðustu árum.
Luiz og Lehmann gengu bæði í raðir Juventus í sumar eftir að hafa verið saman hjá Aston Villa á Englandi.
Athugasemdir