Hull City tók á móti Sunderland í eina leik dagsins í ensku Championship deildinni og úr varð hörkuslagur.

Sunderland var sterkari aðilinn í fyrri hálfleik en átti í erfiðleikum með að skapa sér færi svo staðan var markalaus eftir bragðdaufan hálfleik.

Heimamenn í liði Hull voru sterkari aðilinn í síðari hálfleik en áfram var lítið um færi í leiknum.

Wilson Isidor skoraði eina markið á 63. mínútu eftir frábært einstaklingsframtak í kjölfar hornspyrnu Hull. Isidor fékk boltann á eigin vallarhelmingi og spretti upp völlinn með varnarmann í sér áður en hann kláraði snyrtilega framhjá markverðinum.

Lokatölur urðu 0-1 og fer Sunderland á topp deildarinnar með þessum sigri, þar sem liðið er komið með 22 stig eftir 10 umferðir - einu stigi meira heldur en Burnley sem situr í öðru sæti.

Hull City er um miðja deild með 12 stig.