Salah skoraði fyrra mark Liverpool úr vítaspyrnu en það var 162. mark hans í deildinni og þá lagði hann upp sigurmarkið fyrir Curtis Jones.

Hann er því kominn í 9. sæti yfir markahæstu menn, með jafnmörg mörk og Jermain Defoe.

Ef Salah heldur áfram að skora á hann möguleika á því að komast upp í 6. sæti áður en tímabilið er á enda, en það eru fimmtán mörk í Frank Lampard, sem skoraði 177 mörk fyrir Chelsea, Manchester City og West Ham.

Þegar horft er á tölfræði yfir mörk og stoðsendingar fyrir eitt félag er Salah í 6. sæti en hann tók fram úr Sergio Aguero, fyrrum leikmanni Manchester City.

Salah er með 160 mörk og 72 stoðsendingar fyrir Liverpool í deildinni, en hann mun að öllum líkindum komast á topp fimm fyrir áramót.