Valencia tók á móti Las Palmas í eina leik kvöldsins í spænska boltanum og úr varð mikil skemmtun, þar sem Pepelu tók forystuna fyrir heimamenn.

Pepelu skoraði úr vítaspyrnu á 14. mínútu og héldu heimamenn forystunni allt þar til undir lok fyrri hálfleiksins, þegar Alex Munoz jafnaði metin með marki gegn gangi leiksins.

Staðan var því jöfn í leikhlé, 1-1, og ríkti meira jafnræði með liðunum í síðari hálfleik.

Fabio Silva, sem er á láni hjá Las Palmas frá Wolves, skoraði snemma í síðari hálfleik til að taka forystuna og var hart barist eftir það.

Hvorugu liði tókst þó að skora en markaskorarinn Pepelu fékk að líta beint rautt spjald á 70. mínútu fyrir að bregðast illa við í átökum eftir brot.

Tíu leikmenn Valencia réðu ekki við Las Palmas sem tvöfölduðu forystuna á 85. mínútu með marki frá Alberto Moleiro.

Valencia gafst ekki upp og minnkaði Cesar Tarrega muninn í uppbótartíma, en það dugði ekki til og urðu lokatölur 2-3 fyrir gestina.

Liðin áttust við í botnslag og eru núna jöfn á stigum á botni deildarinnar, með 6 stig eftir 10 umferðir.